Екі жұлдыз 2017
Девиантты мінез-құлықты балаларға арналған арнайы білім беру ұйымында дәстүрлі «Екі жұлдыз» байқауы өтті
2017 жылы 14 ақпанда ұйымның акт залында оқушылар арасында жыл сайын жалғасын тапқан «Екі жұлдыз» өнер сайысы болып өтті.
«Екі жұлдыз» екі жүргізушімен ашылды. Сөз кезегі директордың оқу- ісі жөніндегі орынбасары Бейсекенова Динара Румхановнаға берілді.
Жүргізушілер сайысқа түсетін жұптарды шақырып, таныстырды. Байқауға барлығы 11 жұп қатысты. Бұл сайыс 3 кезеңнен құралды. Қатысушылар ән айтудан, би билеуден және тапсырманы орындаудан жарысқа түсті.
Барлық сайыс аяқталған соң жүргізушілер жұптарды ортаға шақырды.
Қазылар алқасы өз бағаларын берді. Бұл байқауда «Бірге болайық» әнін орындап, тангоға билеп, соңғы кезеңнен сүрінбей өткен Ноян мен Айдана жұбы жеңіске жетті. Соңында қазылар алқасы құттықтау сөзін сөйлеп, жеңімпаздар мен қатысушыларға сыйлықтар сыйлады. Жабу салтанатында «Екі жұлдыз» әнұраны орындалды.
